Ririmi ra nongonoko: ts Xitsonga

Ririmi
Selected Language:

Kaya - Mayelana ni

Mayelana ni Cloud Library

Messenger International wa hitekela leswaku switirho leswi swi fika emavokweni ya vafundhisi ni varhangeli na ku nga landziwi lomu va humaka kona kumbe matshamela ya vona hi thlelo ra timali. Cloud Library yi endleriwe xikongomo lexo. Yi tirha tanihi muaveli ematikweni hinkwawo wa switirho leswi tolokiweke ku va swi xixiwa eka internet na ku nga hakeriwi nchumu.

Ku navela ka hina hileswaku switirho leswi swi kumeka hi tindzimi hinkwato leti vulavuriwaka hi ntalo, ku endla leswaku switirho leswi swi fikela lomu ka ku tlula 98% wa vanhu va misava. Cloud Library – eyindlu ya tibuku ya le mapeni hi yona ndlela leyi vekiweke eku ta hetisisa ntirho lowu. U vutisa u ku, hayini? Mhaka hileswaku exitirho lexi endlaka hi ku hahisiwa emapapeni xi hatlisa ku famba ku tlula xa ku tamerisiwa hi mavoko. Ha tshemba leswaku u ta londzovota leswintshwa emapapeni.

Hi le ka Vaendli va Nongonoko Lowu

Yesu a hi lerisile ku nga ri ku ya vula evhangeli ntsena, a lerisile na kambe eku ya endla vadyondzisiwa. Marito lawa ma ta ku pfuna eku ku endla mudyondzisiwa wa Kriste. Hi hitekela ku ku hlomisa hi ku ku tshemba, ni leswaku u nga swi kota, hi tintswalo ta Xikwembu, eku hundzula tiko ni lava u va kucetelaka. Xikwembu xi vekile vukulunkumba ndzeni ka wena, kutani xi lava ku ku tiva hi entelelo. Switirho leswi swi ta ku pfuna eku tsumbula vuxaka, lebyi enteke swinene bya wena ni Xikwembu. Kutani loko vuxaka bya wena na Kriste byi ri karhi byi kula, u ta cinciwa hi matimba ya Rito ra xona.

Xikwembu xi ku vumbile hi xikongomo xi ri xin’we mayelanaka ni tinyiko ni nkucetelo leyi u nga na yona. Ha ku khongotela ku va u lavetela ku hetiseka hinkwako ka leswi xi ku lulamiseleke swona. Xikhongelo xa hina hileswaku eswitirho leswi swi ku hlomisa eriendzweni ra wena ra ku tsumbula swilo.

Kateka hi hina va wena,

John & Lisa Bevere

Ku seketela Xivono

Xana mbilu ya wena ya hisekela ku vona ku averiwa ka switirho leswi kotaka ku hundzula vutomi bya vanhu jikelezi misaveni hinkwayo? Loko u swi rhandza ku seketela ntirho lowu wa Cloud Library, wa komberiwa ku tsalela email eka: getinvolved@cloudlibrary.org. Na ka ha ri sweswi ha ku nkhensa hikwalaho ka swikhongelo ni vuseketeli bya wena!