Enkutuk natii te ena kata: mas ɔl Maa

Enkutuk
Selected Language:

Ang - Enkipirrta

Inaaipirrta Cloud Library

Etuunokinote Messenger International aing’orr enkop nalulung’a peyie etum ilairritak o larikok kuna kiteng’enat etii enetii, eata ropiyiani o meata. Ena kipirrta eitobirunyieki Cloud Library. Era ninye ewueji neishoorieki nkiteng’enat naaibelekenyakaki nkutukie naapaashipaasha, neitoduaari arashu eitadouni metii elaata.

Ore enkipirrta ang naa peyie kinchoru kuna kiteng’enat too nkutukie pooki, nikitum aatabaiki 98% oo ltung’anak pooki ootii enkop. Ore Cloud Library naa enkoitoi nabo nikibaikinyie ena kipirrta. Ninkilikuanu ajo, ainyioo? Amu ore enkitng’enare natiu inji naa keponari, nesiooyo alang ena naibung’ayu too nkaik. Kisilig aajo itishipakine naboisho ino o cloud.

Inaaing’uaa lelo ooitobirutua

Eitanapa iyiook Yesu mme peyie kilikioo ake olkilikuai, kake peyie kintobiru sii ninche looiteng’eni. Kiret iyie kulo kiliku taa oloiteng’eni le Kristo. Kishumita enkiteng’ena te atua iyie amu kiiruk iyie ajo ira oloidim, te empiris e EnkAi, aibelekenya ine nitii. Etushuma EnkAi enkitoo te atua iyie, neng’uarr peyie kiyiolou te enguton. Kiret iyie kuna kiteng’enat noto naboisho e makewan nagut tenebo EnkAi. Ore iyie ibulu te naboisho ino o Kristo, nikimbelekeny engolon o Ororei Lenye.

Kintobirua iyie EnkAi eata enkipirrta e makewan too nkishoorot o erikore ino. Kintukuj iyie tatalu elulung’ata e pooki toki nikitushamaka EnkAi. Ore enkomono ang naa ore kuna kiteng’enat naa keikirreten iyie te elototo ino ing’oru ninye.

Imayianat te yie o te pooki nara enino,

John tenebo Lisa Bevere

Tareto ena duaata

Keidikita oltau lino iyieu kuna kiteng’enat naaibelekenyisho ebaiki pooki ootii enkop? Teniyieu niretu enduaata e Cloud Library, tereu olkilikuai le email getinvolved@cloudlibrary.org. Kimurutoo yiook aashuku enashe te enkomono o eretoto ino!