Tokples long dispela pes: tpi Tok Pisin

Tokples

Home - About

Cloud Library em wanem?

As tingting bilong Messenger International, em bilong putim olgeta risoses long Cloud Library, bilong ol pasto na lida i stap long wanem wanem hap bilong dispela graun i ken daunlodim, maski ol i gat planti mani o nogat mani. Em i kamap wanpela hap we olgeta risoses long kain kain ol tokples ol i tanim pinis long en, i ken stap long en, na ol man i ken daunlodim fri o go long web sait na harim o lukim piksa long hap sapos ol i les long daunlodim.

Bikpela as tingting bilong mipela, em long tanim dispela ol risoses i go long olgeta tokples we planti man i save long en. Na dispela i ken i go long planti manmeri, klostu o abrusim 98% bilong ol manmeri bilong graun. Long mekim dispela as tingting i kamap, mipela i kamapim Cloud Library. Ating yu bai askim dispela askim insait long tingting bilong yu, bilong wanem na yupela laik mekim olsem? Bekim bilong dispela em i olsem, mipela lukim gutpela bilong putim ol samting long web sait na ol samting inap long i go long han bilong planti man hariap. Taim mipela printim, em i kisim longpela taim long ol risoses long i go long han bilong planti man.

I kam long ol lain husat i kamapim dispela

Jisas i bin tokim yumi long, i no autim Tok tasol, tasol long mekim ol disaipel, tu. Dispela ol tok i stap long hia, em bilong helpim yu long kamap disaipel bilong Jisas Krais. Mipela laik long givim yu trening, bikos mipela bilip olsem, yu gat save, na long marimari bilong God, em bai senisim laip bilong yu. God i putim bikpela samting insait long yu, na em i laik long save long yu moa. Dispela ol risoses, em bilong helpim yu long painim na save gut, na i gat rilensip wantaim God. Taim rilensip bilong yu wantaim Krais i kamap strong, bai laip bilong yu tu i senis bikos long Tok bilong God.

God i wokim yu long wanpela as tingting, na dispela as tingting em i narakain olgeta long ol presen bilong spirit yu gat long en

Blessing bilong Bikpela long yu na ol lain bilong yu,

Jon na Lisa Bivia

Sapotim dispela driman

Insait long bel bilong yu, yu save pilim olsem yu gat bikpela laik stret long lukim ol manmeri i kisim ol buk o risoses we inap long senisim laip bilong ol stret i go long han bilong ol o nogat? Sapos yu gat bikpela laik stret long lukim dispela i kamap, orait yu ken sapotim Cloud Library taim yu salim komputa pas i go long getinvolved@cloudlibrary.org. Mipela tok tenk yu tru long wanem halivim o prea sapot yu bai givim long helpim dispela driman i ken kamap samting tru!