Olulimi Olukozesebwa kati: lg Oluganda

Olulimi

Awaaka - Ebikwata

Ebikwata ku Tterekero eriyitibwa Cloud Library

Obuweereza obuyitibwa Messenger International bussa essira ku nsi yonna okutuusa ebikozesebwa bino eri abasumba n’abakulembeze si nsonga wa gye basangibwa oba bayimiridde batya mu by’ensimbi. Etterekero ly’eby’okuyiga eriyitibwa Cloud Library lyassibwawo ku lw’ekigendererwa kino. Liweereza ng’ensibuko esinzirwamu okusaasaanya ebikozesebwa mu nsi yonna eyo ekkiriza ebikozesebwa ebivvuunuliddwa okubeera nga birambikiddwa bulungi era nga biggibwayo okusobola okukozesebwa.

Ekigendererwa kyaffe kwe kuleetera ebikozesebwa bino okubaawo mu buli lulimi olukulu, bwe tutyo tusseewo obusobozi obw’okutuuka ku bantu abasukka mu 98 ku buli 100 ku bantu bonna abali ku nsi. Cloud Library ly’erimu ku makubo ag’okuyitamu okutuukiriza ekigendererwa kino. Lwaki, bwe weebuuza? Kubanga ekikozesebwa ekitakwatikako kiyinza okwekubisaamu n’okusaasaana mu bwangu okusinga ku bikozesebwa ebikwatikako. Tusuubira nti onoonyumirwa by’onooganyulwa mu kire.

Okuva eri Abatonzi

Yesu yatukuutira si kubuulira bubuulizi njiri, wabula n’okutendeka abayigirizwa. Obubaka buno bugenda kukuyamba okufuuka omuyigirizwa wa Kristo. Tussaamu kyonna ekyetaagisa mu kutendekebwa kwo kubanga tukukkiririzaamu n’obusobozi bwo, olw’ekisa kya Katonda, okukyusa ensi yo gy’oweereddwa okukomako. Katonda atadde obukulu munda mu ggwe, era ayaayaana okukumanya mu ngeri esingawo okuba ey’omukwano ogw’ebuziba. Ebikozesebwa bino bijja kukuyamba okuvumbula enkolagana ey’obuntu, ey’ebuziba ne Katonda. Nga bw’okula mu nkolagana yo ne Kristo, ojja kukyusibwa olw’amaanyi ag’Ekigambo Kye.

Katonda yakutonda olw’ekiruubirirwa eky’enjawulo eri ebirabo byo ne ku bantu b’olina okukomako. Tukukubiriza okunoonyeza ddala obujjuvu bwa buli kintu Katonda ky’alina ku lulwo. Essaala zaffe ziri nti ebikozesebwa bino bikuteeketeeke mu lugendo lwo olw’okuvumbula.

Emikisa ku ggwe n’ababo

John ne Lisa Bevere

Wagira okwolesebwa

Omutima gwo gubugujja okulaba nga ebikozesebwa ebikyusa obulamu bisaasaana okubuna ensi yonna? Bw’owulira ng’oyagala okuwagira omulimu gwa Cloud Library, mwattu sindika emayiro ku getinvolved@cloudlibrary.org. Tukwebalizaawo ku lubereberye ku lw’essaala yo n’obuwagizi bwo!