Current Language: kac Jingpho

Languages

Shawng na laika man - Lawng lam nim

Cloud Library lawng lam nim

Messenger International gaw, Mungkan ting na ja gumhpraw hpe madung n tawn ai, Hpung up hte ningbaw ning la ni hpang de ndai laika ni du lu na matu ap nawng da nga ai. Dai yaw shada lam hte Cloud Library hpe gaw gap da ga ai. Dai gaw tinang a ga hte, byan da sai laika buk ni hpe wanglu wanglang download galaw lu na matu lam hpaw ya ai mungkan shadang website rai nga ai.

Anhte a yaw shada lam gaw laika nga ai myu ni a matu ndai laika buk ni hpe tinang a ga hte hti lu na matu rai nga ai. Dai majaw mungkan masha 98% ni kaw du lu na matu shakut nga ga ai. Cloud Library gaw dai yaw shada lam tang du na matu lam langai mi rai nga ai. Hpa majaw? ngu na nang san mai nga ai. Computer laika buk gaw mai sau laika buk hta grau lawan shachyam shabra lu, shagun lu ai majaw rai nga ai. Cloud ( Sumwi ) a mahkrum madup hpe nang ra sharawng kabu nga na re ngu myit mada ga ai.

Gyin shalat ai wa a num htet ga

Anhte ni hpe Madu Yesu gaw kabu gara shiga hkaw tsun na matu sha nrai, Sape ni hpe woi galu kaba na matu mung matsun da nga ai. Ndai lam ni gaw nang hpe Hkristu a sape majing byin lu na matu garum ya na re. Anhte gaw na a shaman shakyang ai kaw arang bang ga ai. Hpa majaw ngu yang Karai Kasang a chyeju hte na a woi awn lu ai atsam ni hpe sharawt ya lu ai ngu anhte kam ga ai. Karai Kasang gaw nang hpe hku hkau mayu nga ai. Nang mung Karai Kasang hte laksan hku hkau ni htep lu na matu ndai laika ni nang hpe garum ya na re. Hkristu hte grau hku hkau wa magang Mungga a atsam hte nang galai shai wa na ra ai.

Karai Kasang gaw nang hpe laklai ai Wenyi atsam, woi awn lu ai atsam ni a matu hpan da nga ai. Karai Kasang na a matu alak mi hkyen da ya ai lam ni yawng hpe tam sawk lu na matu nang hpe n gun jaw ga ai. Dai sawk tam nga hkrunlam hta laika ndai ni nang hpe garum ya u ga, anhte kyu hpyi ya ga ai.

Nang hte nta masha ni

John & Lisa Bevere

Shingran hpe jawm karum shingtau ga

Masha a prat hpe galai shai shangun ai laika ni mungkan ting shachyam shabra nga ai hpe mu yang na myit hta hkra ai i. Lama wa nang, Cloudlibrary sasana hta karum shingtau mayu wa yang chyeju hte getinvolved@cloudlibrary.org de email sa ya rit. Na a kyu hpyi ya ai hte karum shingtau ya na lam a matu tau hkrau chyeju dum ga ai.